पूँजी बजार तथा अर्थतन्त्र सम्बन्धी सूचना र समाचार प्रवाहका लागि क्रियाशील अनलाईन पोर्टलहरु मेरो लगानी डटकम र शेयर लगानी डटकम आपसमा गाभिने सहमति भएको छ ।

संचार क्षेत्रमा देखिएका चुनौति सामना गर्न र सर्वसाधारण लगानीकर्ताहरु माझमा अझ विश्वसनीय, गुणात्मक र सही सूचना प्रवाह गर्न दुवै अनलाईन पोर्टल एक भएर मेरोलगानी डटकमको नाममा संचालित हुने छ ।

जेठ १४ गते मंगलबार हस्ताक्षर भएको सहमति पत्रमा मेरो लगानी डटकमका प्रमुख कार्यकारी अधिकृत अतितलाल श्रेष्ठ र शेयर लगानी डटकमका प्रधान सम्पादक तिलक कोइरालाले हस्ताक्षर गरेका छन् ।

सहमति अनुसार मेरो लगानी डटकमको प्रधान सम्पादकमा तिलक कोइराला रहने छन् भने शेयर लगानी डटकमका सबै लिंकहरु मेरोलगानी डटकममा समाहित गरिने छ ।

कोइराला मेरोलगानीका संस्थापक सम्पादक समेत हुन् ।

अनलाईन मिडियाहरुको भीडमा मेरोलगानीले अलग पहिचान बनाएर सशक्त रुपमा सूचना र समाचार प्रवाह गर्न यो मर्जरले महत्वपूर्ण आधार प्रदान गर्ने सम्पादक कोइरालाले बताएका छन् ।

LEAVE A REPLY

Please enter your comment!
Please enter your name here