मौद्रिक नीतिले शेयर बजारमा उत्साहः तीन सर्किट लागेर बजार बन्द

नेपाल राष्ट्र बैंकले शेयर लगानीकर्ता लगायत समग्र अर्थतन्त्रलाई नै उत्साहित पार्ने मौद्रिक नीति ल्याएपछि त्यसको सीधा प्रभाव आईतबारको शेयर बजारमा परेको छ ।

आईतबार कारोबार शुरु भएको पाँच मिनेट नहुँदै थामिनसक्नु गरी शेयरको मूल्य बढेकोमा बैकिडं समूहको शेयरमा लगानीकर्ताको अधिक आकर्षण देखिएको थियो । पहिलोपल्ट नेप्से चार प्रतिशत, दोस्रोपल्ट थप एक प्रतिशत र अन्तिममा १२ बजेर ८ मिनेट जाँदा ६ प्रतिशतले बढेपछि आजका लागि पुरै दिन कारोबार बन्द भएको हो ।

अधिक खरिद चाप देखिएपछि पुरै कम्पनीको शेयर किनबेच हुन पाएन । एक सय ५ कम्पनीको शेयर कारोबारमा आएकोमा सबैको शेयर मूल्य बढेको छ ।

राष्ट्र बैंकले ल्याएको मौद्रिक नीतिमा उल्लेखित शेयर धितो कर्जाको सिमा बृद्धि, कर्जाको ब्याज तिर्ने समय थप लगायतका कुराहरुले लगानीकर्ताहरुलाई उत्साहित पारेको हुनसक्छ ।

२० वटा कम्पनीका शेयर मूल्य ९ प्रतिशत बढीले उकालो लागेका छन् । जम्मा नौ मिनेट भएको कारोबारमा ६ करोड २५ लाख रुपैयाँको किनबेच भएको छ । नेप्से सूचक ८४.७९ अंकले बढोत्तरी भई १४७९.०३ बिन्दुमा पुगेको छ ।

मूल्य बढ्ने कम्पनीहरु