सरकारले आंशिक रुपमा लकडाउन खोल्ने निर्णय गर्दै बिहीबारदेखि केही ब्यवसाय संचालन गर्न दिने औपचारिक निर्णय गरेको छ । बुधबार राति बसेको मन्त्रिपरिषद बैठकले चरणबद्ध रुपमा लकडाउन खोल्ने निर्णय गरेको हो ।

File photo

सरकारले तीन चरणमा लकडाउन खोल्ने निर्णय गर्दै बिहीबारदेखि पहिलो चरण शुरु हुने जनाएको छ । पहिलो चरण २१ दिनको हुनेछ भने त्यसको स्थिति हेरेर दोस्रो चरणमा १५ दिनसम्म दोस्रो चरण लागु गरिने भएको छ । सबै अबस्था ठीक देखिएमा तेस्रो चरणको पन्ध्र दिन कार्यान्वयन गरिने भएको छ । त्यसको परिणाम हेरेर सबै क्षेत्र खुला गरिने भएको छ ।

पहिलो चरणमा जेठ २९ गतेबाट यी क्षेत्र खुल्दैछन्ः

१. स्वास्थ्य सेवासँग सम्बन्धित निजी क्लिनिकसहित सबै सेवा

२. औषधि, खाद्य तथा पेयपदार्थ, तरकारी, फलफूल, दुग्धपदार्थ, अन्डा, माछा, मासु, खानेपानी उत्पादन, बिक्रीवितरण तथा ढुवानी

३. पेट्रोलियम पदार्थको ढुवानी र बिक्री वितरण

४. फोहोरमैला व्यवस्थापन

५. विद्युत, दमकल, एम्बुलेन्स, सञ्चार तथा प्रसारण, हुलाक सेवा

६. बैंक तथा वित्तीय संस्था, सहकारी र बिमा सेवा

७. सबै प्रकारका कृषि तथा पशुपन्छी पालनसम्बन्धी कार्य

८. कृषि बीउ बिजन, रासायनिक मल, कृषि औजार र शीतभण्डारसम्बन्धी सेवा तथा कार्य

९. उत्पादनशील उद्योग

१०. निर्माण सामग्रीसम्बन्धी उद्योग व्यवसाय

११. विकास आयोजना (निजी क्षेत्रबाट प्रवर्द्धितसमेत)

१२. निर्माण कार्यहरु

१३. नदी तथा खानीजन्य पदार्थ उत्खनन्, संकलन, ढुवानी र बिक्रीवितरण

१४. रेस्टुरेन्टबाट हुने प्याकिङ तथा टेकअवे सेवा

१५. क्वारेन्टिनका लागि तोकिएका होटल

१६. बिजुलीका सामान बिक्री र मर्मत

१७. विद्युतीय उपकरण, मेसिनरी र सवारी साधन मर्मत गर्ने वर्कसप

१८. पुस्तक पसल तथा स्टेशनरी

१९. सबै प्रकारका ढुवानी सेवा

२०. अत्यावश्यक सेवाका कार्यालय

२१. अन्य सरकारी कार्यालय, गैरसरकारी तथा निजी क्षेत्रका कार्यालय र बैंक तथा वित्तीय संस्थाहरू

यी क्षेत्रहरु भने खुल्ने छैनन्

१. शैक्षिक संस्था जस्तै विद्यालय, कलेज, ट्युसन सेन्टर, तालिम केन्द्र

२. सपिङ मल, डिपार्टमेन्ट स्टोर (खाद्यपदार्थबाहेक)

३. सिनेमा हल, पार्टी प्यालेस, डान्स बार र सबै प्रकारका मनोरञ्जन स्थल

४. अनुमतिप्राप्त गरेका बाहेकका अन्तर्राष्ट्रिय तथा आन्तरिक उडान

५. तोकिएबाहेकका अन्तर्राष्ट्रिय सीमानाकाबाट हुने आवतजावत

६. सबै प्रकारका महोत्सव, जात्रा, मेला, सभा, सम्मेलन, प्रदर्शन

७. २५ जनाभन्दा बढी सहभागी हुने बैठक, गोष्ठी, तालिम, सेमिनार

८. सबै प्रकारका धार्मिक तथा सामाजिक स्थल

९. स्विमिङ पुल, जिमखाना, साउना, स्टिम लगायत हेल्थ क्लब, मसाज सेन्टर, सैलुन, ब्युटी पार्लर

१०. खेलकुद प्रतियोगिता र खेल मैदानमा हुने प्रस्तुति

११. पहिलो चरणमा खुल्ने भनी माथि तोकिएका बाहेक अन्य सबै सवारी साधन

१२. बेलुकी ९ बजेदेखि बिहान ५ बजेसम्म एम्बुलेन्स, दमकल, शववाहन र ढुवानीबाहेक सबै प्रकारका आवागमन।

माथि उल्लिखित पहिलो चरण २१ दिनसम्म लागू भएपछि सरकारले फेरि कोरोना भाइरस संक्रमणको स्थिति मूल्यांकन गर्नेछ। स्थिति अनुकूल रहेमा दोस्रो चरण लागू हुनेछ, जुन १५ दिन कायम हुनेछ।

दोस्रो चरणमा खुल्ने सेवा र कार्य:

१. सरकारी कार्यालय, गैरसरकारी तथा निजी क्षेत्रका कार्यालय र बैंक तथा वित्तीय संस्था

२. एक लहरमा एक जना यात्रु मात्र बस्ने गरी विद्युतीय रिक्सा

३. ट्याक्सी (चालकबाहेक थप दुई जना यात्रु रहने गरी)

४. रेस्टुरेन्ट तथा खाजाघर ( दुई मीटरको दुरी कायम गरी )

माथि उल्लिखित दोस्रो चरण १५ दिनसम्म लागू भएपछि सरकारले फेरि कोरोना भाइरस संक्रमणको स्थिति मूल्यांकन गर्नेछ। स्थिति अनुकूल रहेमा थप १५ दिनका लागि तेस्रो चरण लागू गरिनेछ।

तेस्रो चरणमा खुल्ने सेवा र क्षेत्रः

१. सरकारी कार्यालय, गैरसरकारी तथा निजी क्षेत्रका कार्यालय

२. संक्रमणको जोखिम विश्लेषण गरी १०० भन्दा कम सक्रिय केस भएमा अन्तर-जिल्ला आवागमन

३. सिट क्षमताको आधा व्यक्ति रहने गरी सबै प्रकारका सवारी साधन

४० आन्तरिक हवाई उडान

५. होटल, लज, रिसोर्ट, ट्राभल एजेन्सी, पदयात्रा, पर्वतारोहण

६. अन्तर्राष्ट्रिय हवाई उडानको बुकिङ

७. शिक्षण संस्था (परीक्षा प्रयोजनका लागि मात्र)

८. तालिम तथा ट्युसेन केन्द्र

त्यसपछि सबै अबस्था विश्लेषण गरी सबै क्षेत्र खुला हुनसक्ने बताइृएको छ ।

LEAVE A REPLY

Please enter your comment!
Please enter your name here